DESPAR Dolomiti
tl zënter de Urtijëi

Facebook


 


Continue >

ladin    deutsch    italiano    english

DESPAR DOLOMITI

 

Ëures de giaurida:
Lu. - sa. 8.15 – 19.15
*Du. (sajon auta)
10.00 – 13.15 & 16.00 – 19.15


Telefonn: +39 0471 786 189


Despar Dolomiti, l supermarket che possa vester udù coch n supermarket tlassich.

N team da druch ulëssa fé ora de chësta butëiga tl zënter de Urtijëi na butëiga che se fajerà inuem, no mé per si netijia y l bënulëi de si cunlauranc, ma nce  per la bela vela de prudoc frësc, prudoc dl Südtirol, prudoc bio y d’autra delicatësses.


Storia

...dal 1951

Despar Dolomiti

La “cësa dl chino” ie unida fata su l ann 1948, tosc do la segonda viera mundiela. I lëures à durà trëi ani. Ala fin à giapà lerch iló la “Pension Centrale”, na filiala dla Banca de Trënt y de Bulsan y l chino Dolomiti. L patron Franz Comploj dl Pizuela (*1906 + 1958) fova na persona cun vijion y s’l’ova studieda tres dassënn dan scumencé a frabiché.
L chino Dolomiti ie pona unì menà dal 1951 al 2011, per bën 60 ani alalongia, dal medemo fitadin. L fova n chino che valova, l fova l chino dla jënt de Urtijëi.


Despar Dolomiti

Cun l tëmp y i gran vares fac tl ciamp dla tecnologia jiva la jënt for manco al chino, nchin che n l à dat su.
Sën jivela de pensé inant y ti dé a chësta pert dl frabicat na funzion nueva.
Dal cunzet “shop in shop” ala ustaria dal pier, dala discoteca al restaurat y bistro, mpue a dldut ons pensà, nchin che fan a una: tlo dëssel nascer na butëiga, una da ti dé dl Vo, per la jënt che va a cumpré ite uni di.
Ulon fé na butëiga che vel, na butëiga per la jënt de Urtijëi.


Despar Dolomiti

Filosofia

Urtijëi

»

Chësta butëiga “dan porta” tl raion da jì a pe de Urtijëi, de gran mpurtanza per la jënt da tlo che va a cumpré ite uni di, ie da udëi coche n supermarket tlassich. Nia n supermarket sciche tanc, cun linges de jënt, prëscia y busiamënt. Nëus ulon fé velch de miec dainora.

Valin

» »

Chësc supermarket uel vester na butëiga dl luech che luna ora per si netija, per si simpatia y si prudoc frësc, n pert di luesc da paur de Gherdëina y dl Südtirol. L uel vester na butëiga mpue autramënter dl solit, na butëiga ulache n se ncunforta a jì ite.

Despar

» » »

Se aspiton na butëiga dinamica y si merca dëssa vester la cura cun chëla che la vën meneda, la cualità di prudoc pitei y l vester daulëibon di cunlauranc da tlo.

Val Gardena

» » » »

Duc ie bënunìi - dantaldut chëi che va uni di tl luech a pe, purtan pro a chësta maniera a valorisé l raion da jì a pe y mplenian de vita l zënter de nosc bel Urtijëi.


.

Team de lëur

Manager

L ne ie nia mé n cajo che l ie unì a s’l dé l supermarket Dolomiti. Na bela sburdla ie unida dal diretëur dla butëiga Theo Mahlknecht de Fie, na persona tacheda a nosc raion y ala natura y cunesciuda a Urtijëi per avëi menà truep ani l supermarket Despar tal Fever. Sën se ncunfortel a ti sauté ite a chësta nueva ndesfideda: ti dé n’ana ala butëiga tl cuer dl luech.

Jobs

Theo à da for na pascion per la maiadives y ti dà na gran mpurtanza a n servisc daulëibon, ala netija y ala cumpetënza. L ti sta a cuer l cunlauré tl team, l cuntat cun l tlient y la prejentazion di prudoc.
L ti juderà a arjonjer si mira n team cris ora do criters rigurëusc, cunlauranc sun chëi che l possa se lascé. Chiche ulëssa se pité per na tel stiera ie prià bel de cuntaté info@despar-dolomiti.it.


.

Cuntat Urtijëi

Despar Dolomiti

Despar Dolomiti
Diretëur dla butëiga: Theo Mahlknecht
Streda Rezia, 46
39046 Urtijëi  (BZ) / raion da jì a pe
Telefonn: +39 0471 786 189
Fax: +39 0471 789 380
Email: info@despar-dolomiti.it
Internet: www.despar-dolomiti.it

Plazes da lascé ju i auti debant

On sambën pensà nce a chiche ruva adalerch cun l auto.

Garage Central/Stazion a 300 m, parché debant.

Tl garage Central iel 14 lueges da parché debant resservedes per nosc tlienc ntan che i compra ite tl supermarket Despar Dolomiti. L bonn per parché debant giapen ala cassa canche n paia mustran su la cherta da parché: l bonn vel avisa 3 ëura.
Ejëmpl: sce furnëis ite p.e. dala 9 daduman, pudëis furné ora de garage debant nchin dala 12.
Ocio: sce furnëis ora plu tert, po vën calculedes duta la ëures efetives y nsci ne ie deguna ëures debant. Perchël cialëde prëibel de lascé l garage dan che toma la 3 ëura!
L garage ie a 300 m dal supermarket.

 

A paiamënt possen lascé l auto:

sun plaza S. Antone, a feter 50 m

tl garage Cavallino Bianco, a feter 70 m

tl garage Mont Sëuc, a feter 100 m

tl garage Pana, a feter 200 m.

Despar Dolomiti, per la jënt dl luech!